Times Of Karkala

 ನಗರ ಕಾಂಗ್ರೆಸ್ ಕಾರ್ಕಳ ಹಾಗೂ ಕಿಸಾನ್ ಕಾಂಗ್ರೆಸ್ ಕಾರ್ಕಳ ಬ್ಲಾಕ್ ಮಹಿಳಾ ಕಾಂಗ್ರೆಸ್ ವತಿಯಿಂದ ಪೆಟ್ರೋಲ್ ಮತ್ತು ಡೀಸಲ್ ಬೆಲೆ ಏರಿಕೆ ವಿರುದ್ಧ ಪ್ರತಿಭಟನೆಯನ್ನು ಕಾರ್ಕಳ ಚತುರ್ಮುಖ ಬಸದಿ ಬಳಿ ಇರುವ ಹನುಮಾನ್ ಪೆಟ್ರೋಲ್ ಪಂಪ್ ಮುಂಬಾಗ ನಡೆಸಲಾಯಿತು.

ಮೋದಿ ಸರಕಾರದ ಬೆಲೆ ಏರಿಕೆಯನ್ನು ಖಂಡಿಸಿ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆಯಾದ ನಳಿನಿ ಆಚಾರ್ಯ ಹಾಗೂ ರಾಜ್ಯ ಕೆಪಿಸಿಸಿ ಕಿಸಾನ್ ಸಮಿತಿಯ ಕಾರ್ಯದರ್ಶಿ ಉದಯ ಶೆಟ್ಟಿ, ಜಿಲ್ಲಾ ಯುವ ಕಾಂಗ್ರೆಸ್ ಕಾರ್ಯದರ್ಶಿ ಕೃಷ್ಣಶೆಟ್ಟಿ ಮಾತನಾಡಿದರು. 

 ಜಾಹೀರಾತು 

 ಮೂಡುಬಿದಿರೆ:ಮೂಡುಬಿದಿರೆಯ ಜನತೆಗೊಂದು ಸಿಹಿಸುದ್ದಿ.ಮನೆಯಲ್ಲಿಯೇ ಕುಳಿತುಕೊಂಡು ನಿಮ್ಮೂರಿನ ನಿಮ್ಮ ಫೆವರಿಟ್ ಹೋಟೆಲ್ ನಿಂದ ಆಹಾರವನ್ನು ಮನೆ ಬಾಗಿಲಿಗೆ ತರಿಸಬಹುದು.ಇದಕ್ಕಾಗಿ ನೀವು ಲಾಕ್ ಡೌನ್ ಚಿಂತೆ ಮಾಡಬೇಕಾಗಿಲ್ಲ.ನಿಮ್ಮ ಅಮೂಲ್ಯ ಸೇವೆಗಾಗಿ ಓಯ ಬಾಸ್ಕಟ್ ಸಿದ್ಧವಾಗಿದೆ. 

ಈ ಆಪ್ ಮೂಲಕ ನಮಗೆ ಬೇಕಾದ ತಿಂಡಿ ತಿನಿಸುಗಳನ್ನು ಹೋಟೆಲಿಗೆ ಹೋಗಿ ತಿನ್ನುವ ಬದಲು ಆಪ್‌ ಬಳಸಿ ಬೇಕಾದಾಗ,ಬೇಕೆನಿಸುವ ಹೋಟೆಲ್ ನಿಂದ ಮನೆ ಬಾಗಿಲಿಗೆ ತರಿಸಿ ಮನೆಯವರೊಡನೆ ಸವಿಯಬಹುದು.

ಮೂಡುಬಿದಿರೆ ತಾಲೂಕಿನ ಹತ್ತು ಕಿ.ಮೀ. ಒಳಗಡೆ ಒಂದು ವಾರಗಳ ಕಾಲ ಫ್ರೀ ಹೋಮ್ ಡೆಲಿವರಿ ಸೌಲಭ್ಯವಿದ್ದು ಗ್ರಾಹಕರು ಈ ಸೌಲಭ್ಯವನ್ನು ಬಳಸಿಕೊಳ್ಳಬಹುದು.

ಓಯೋ ಬಾಸ್ಕೆಟ್ ಕೋವಿಡ್ ಸಂಕಷ್ಟದ ಸಂದರ್ಭದಲ್ಲಿ ಜನರಿಗೆ  ಉತ್ತಮ ಗುಣಮಟ್ಟ ಮತ್ತು ಸೂಕ್ತ ರೀತಿಯ ಸೇವೆಯೊಂದಿಗೆ ಒದಗಿಸಿ ಜನತೆಯ ಮನಗೆದ್ದಿದೆ.

ಗ್ರಾಹಕರು ಗೂಗಲ್ ಪ್ಲೇ ಸ್ಟೋರ್ ನಿಂದ ಓಯೋ ಬಾಸ್ಕೆಟ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ  ಅಥವಾ www.oyabasket.com   ವೆಬ್ ಸೈಟ್ ಗೆ ಭೇಟಿ ನೀಡಿ ಹೆಚ್ಚಿನ ವಿವರಗಳನ್ನು ಪಡೆಯಬಹುದು. 

"ಲಾಕ್ ಡೌನ್ ಕಾರಣದಿಂದಾಗಿ ಸುಮಾರು ಎರಡು ತಿಂಗಳಿಂದ ತಮ್ಮ ಅಂಗಡಿಗಳನ್ನು ಮುಚ್ಚಿದ್ದರ ಪರಿಣಾಮವಾಗಿ ಲಾಂಡ್ರಿ ಕಾರ್ಮಿಕರು ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಿದಾರೆ, ಆದರೂ ಧೃತಿಗೆಡದೆ ದೈರ್ಯವಾಗಿ ಸಮಸ್ಯೆಯನ್ನು  ಎದುರಿಸಿ ಜೀವನ ನಿರ್ವಹಣೆಯನ್ನು‌ ನಡೆಸುತ್ತಿರುವ ಅವರಿಗೆ ಸರಕಾರದ ನೆರವಿನ ಅಗತ್ಯವಿದೆ ಎಂದು ಪುರಸಭಾ ಸದಸ್ಯ ಕಾಂಗ್ರೇಸ್ ಮುಖಂಡ ಶುಭದರಾವ್ ತಿಳಿಸಿದರು. 

ಅವರು ತಮ್ಮ ವತಿಯಿಂದ ಕಾರ್ಕಳ ಪುರಸಭಾ ವ್ಯಾಪ್ತಿಯ ಲಾಂಡ್ರಿ ಕಾರ್ಮಿಕರಿಗೆ ಮಾಸ್ಕ್, ಸ್ಯಾನಿಟೈಸರ್, ಮತ್ತು ಆಹಾರ ಕಿಟ್ಟನ್ನು ವಿತರಿಸಿ‌ ಮಾತನಾಡಿದರು.ಮಡಿವಾಳ ಸಮಾಜದ ಅದ್ಯಕ್ಷ ಸದಾನಂದ ಸಾಲಿಯಾನ್ ಮಾತನಾಡಿ ಚುನಾವಣೆ ಸಂದರ್ಭದಲ್ಲಿ ಅನೇಕ‌ ರಾಜಕಾರಣಿಗಳು ಮನೆ ಬಾಗಿಲಿಗೆ ಬಂದು ಭರವಸೆಗಳನ್ನು ನೀಡಿ ಹೋದವರು ಸಂಕಷ್ಟದ ಕಾಲದಲ್ಲಿ ಕಾಣೆಯಾಗುತ್ತಾರೆ.ಆದರೆ ಶುಭದರಾವ್ ಇತರರಿಗಿಂತ ಭಿನ್ನವಾಗಿ ಕಾಣುತ್ತಾರೆ,‌ ನಮ್ಮ ಕಷ್ಟವನ್ನು ಅರಿತು ತಾವಾಗಿಯೇ ಮುಂದೆ‌ ಬಂದು ನೆರವಾಗದ ಅವರಿಗೆ ಸಮಾಜದ ಪರವಾಗಿ ಅಭಿನಂದಿಸುತ್ತೇನೆ ಎಂದರು.  

ಈ ಸಂದರ್ಭದಲ್ಲಿ ಮಡಿವಾಳ ಸಮಾಜದ ಉಪಾಧ್ಯಕ್ಷ ಅಶೋಕ್ ‌ಮಡಿವಾಳ, ಮೋಹನ್‌ ಮಡಿವಾಳ, ಪಲ್ಲವಿ‌ ಸುರೇಶ್, ಸುನೀಲ್ ಕೋಟ್ಯಾನ್ ಉಪಸ್ಥಿತಿತರಿದ್ದರು, ನಾಗೇಶ್ ಹೆಗ್ಡೆ ಸ್ವಾಗತಿಸಿ, ಧನ್ಯವಾದವಿತ್ತರು.

 ಜಾಹೀರಾತು 

ಕಾರ್ಕಳ:ತಾಲೂಕಿನ ಹಲವೆಡೆ  ನಿನ್ನೆ ಭಾರೀ ಗಾಳಿಯೊಂದಿಗೆ ಅಕಾಲಿಕ ಮಳೆಯಾಗಿದ್ದು, ಇಡೀ ವಾತಾವರಣವನ್ನು ತಂಪಾಗಿಸಿದೆ.

ನಿಟ್ಟೆ ಗ್ರಾಮದ ಬೋರ್ಗಲ್ ಗುಡ್ಡೆ ಬಾಳೆ ಹಿತ್ತಲು ಎಂಬಲ್ಲಿನ ನಿವಾಸಿ ಗಣಪತಿ ನಾಯಕ್ ಎಂಬವರ ವಾಸ್ತವ್ಯದ ಮನೆ ಹಾನಿಯಾಗಿದೆ.

ಮಾಳ ಪರಿಸರದಲ್ಲೂ ಹಲವು ಮನೆಗೆ ಹಾನಿಯುಂಟಾಗಿದೆ.ಅಕಾಲಿಕವಾಗಿ ಸುರಿದ ಗಾಳಿಮಳೆಗೆ ಹಲವಾರು ನಷ್ಟ ಸಂಭವಿಸಿದೆ.ತಾಲೂಕಿನಾದ್ಯಂತ ಕಳೆದ ಎರಡು ದಿನಗಳಿಂದ ಮಳೆಯಾಗುತ್ತಿದೆ.

 ಜಾಹೀರಾತು 

ಭೂತಾರಾಧನೆಯನ್ನೇ ನಂಬಿ ಬದುಕುತ್ತಿರುವ ನಲಿಕೆ ಸಮುದಾಯ,ಪರವ ಸಮುದಾಯ ಕೊರಗ ಸಮುದಾಯ,ನಾಗಬ್ಯಾಂಡ್ ವಾದಕರು,ಮಧ್ಯಸ್ಥರು,ದರ್ಶನ ಪಾತ್ರಿಗಳು ಹೀಗೆ ಹಲವಾರು ದೈವಚಾಕ್ರಿ ಮಾಡುವವಾರ ಪಾಡು ಹೇಳತೀರದಾಗಿದೆ.ಉಡುಪಿ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಸುಮಾರು ಒಂದುಲಕ್ಷದ ಇಪ್ಪತ್ತು ಸಾವಿರಕ್ಕೂ ಹೆಚ್ಚು ಜನ ಇದ್ದಾರೆ.ಇವರೆಲ್ಲರ ಸಂಸಾರ ನಡೆಸುವ ಆದಾಯ ಭೂತರಾದನೆಯೇ ಆಗಿರುವುದರಿಂದ ಇವರಿಗೆ ಸರ್ಕಾರದ ಪರಿಹಾರದ ಅನಿವಾರ್ಯತೆ ಇದೆ ಎಂದು ಒತ್ತಾಯಿಸಿದ್ದಾರೆ.

 ಜಾಹೀರಾತು 

ಕಾರ್ಕಳದಲ್ಲಿ ಎರಡು ದಶಕಗಳ‌‌ ಹಿಂದೆ ಹಿಂದುತ್ವದ ದೊಡ್ಡ ಅಲೆ ಎದ್ದಿತ್ತು.ಈ ಮೂಲಕ ಅದೆಷ್ಟೋ ವರ್ಷಗಳಿಂದ ಕೈ ಭದ್ರ ಕೋಟೆಯನ್ನು ಭೇದಿಸಿ ವಿಧಾನಸಭೆಗೆ ಬಿಜೆಪಿ ತನ್ನ ಪ್ರತಿನಿಧಿಯನ್ನು ಆಯ್ಕೆ ಮಾಡಿತ್ತು.ಆಗ ನಾನು ಅಲ್ಲಿ‌ಪತ್ರಕರ್ತನಾಗಿ‌ ಸಾಕ್ಷಿಯಾಗಿದ್ದೆ.ಅಂದು ಬೋಳ ಪಬ್ಬರ(ಪ್ರಭಾಕರ ಕಾಮತ್)ಸಂಘಟನಾ ಶಕ್ತಿ ನನ್ನ ಗಮನಕ್ಕೆ ಬಂದಿತ್ತು.

ಎರಡು ದಶಕಗಳ ಬಳಿಕ ಮತ್ತೊಂದು ದೊಡ್ಡ ಹಿಂದುತ್ವದ ಅಲೆ ಎದ್ದಿದೆ. ಇದು ರಾಜಕೀಯ ಶಕ್ತಿ ಸಂಚಯನಕ್ಕಾಗಿ ಅಲ್ಲವೇ ಅಲ್ಲ. ತುಳುನಾಡಿನ ದೈವಗಳ ಶಕ್ತಿ ಸಾನ್ನಿಧ್ಯಕ್ಕಾಗಿ.ಕಾರ್ಕಳ ದ ಹತ್ತೂರುಗಳಿಂದ ಸಾವಿರಾರು ತುಳುವರು ಅತ್ತೂರು‌ ಕಡೆ‌ ಹೆಜ್ಜೆ ಇಡುವಂತೆ ಮಾಡಿದ ಸಂಘಟನಾ ಶಕ್ತಿ ಕುರಿತು ನನಗೆ ಮೆಚ್ಚುಗೆ ಇದೆ. 

ಎಲ್ಲವನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದ ನನಗೆ ಈ ಸಂಘಟನೆ ಶಕ್ತಿಯಲ್ಲಿ ನನ್ನ ಕಣ್ಣಿಗೆ ಪ್ರಮುಖವಾಗಿ ಬೆಂಕಿಯ ಚೆಂಡಿನಂತೆ ಕಾಣಿಸಿಕೊಂಡವರು ಮಹೇಶ್ ಬೈಲೂರು.ಬೆಂಕಿಗೆ ಗಾಳಿಯಾದವರು ಹತ್ತಾರು ಮಂದಿ,ಬೆಂಕಿಗೆ ಇಂಧನವಾದವರು ಸಮಿಧೆಯಾದವರು ನೂರಾರು ಮಂದಿ.ಇವರೆಲ್ಲರ ಹಿಂದೆ ಕಣ್ಣಿಗೆ ಕಾಣಿಸಿಕೊಳ್ಳದ ಮಹಾನ್ ಮಹಿಮರ ಬೆಂಬಲ (ಬೆರಿ ಸಹಾಯ) ಖಂಡಿತಾ ಇದೆ. ಅವರಿಗೂ ನಮನಗಳು. 

ಹಿಂದುತ್ವವನ್ನು ಉದ್ಯಮವಾಗಿ ಬಳಸಿದವರು ಹಲವು ಮಂದಿ ಆದರೆ ಮಹೇಶ್ ಬೈಲೂರು ಹಿಂದುತ್ವಕ್ಕಾಗಿ ಜವುಳಿ ಉದ್ಯಮವನ್ನೂ ಪಕ್ಕಕ್ಕಿಟ್ಟವರು.ಕಾರ್ಕಳದಲ್ಲಿ ಪುನರಪಿ ಹಿಂದುತ್ವ ಕಟ್ಟಿದ ವಿರೋಧಿಗಳ ಹೆಡೆಮುರಿ ಕಟ್ಟಿದ  ಸ್ವ ಪಕ್ಷೀಯ ರ ವಿರೋಧ ಮೆಟ್ಟಿದ ಇಟ್ಟ ಹೆಜ್ಜೆ ಹಿಮ್ಮೆಟ್ಟದ ದಿಟ್ಟ ಗಟ್ಟಿಗ,ಬೈಲೂರ್ದ‌ ಮುತ್ತು ಅತ್ತೂರ್ದ ಗತ್ತು ಮಹೇಶ್ ಬೈಲೂರು 

ಪರ್ಪಲೆದ ಕಲೆ, ದೈವೊದ ನೆಲೆ ತೋಜಾಯಿನ ಕಾರ್ನಿಕ ಶಕ್ತಿಲೆ 

ಎನ್ನ ಉಡಲ್ ದಿಂಜಿ ಸೊಲ್ಮೆಲು

ಕಾರ್ಕಳಕ್ಕೆ ಮಹೇಶ್ ವರ

-ಜಿತೇಂದ್ರ ಕುಂದೇಶ್ವರ

 ಜಾಹೀರಾತು