ಬ್ರೇಕಿಂಗ್ ನ್ಯೂಸ್:ಕಾರ್ಕಳದಲ್ಲಿ ಕೊರೋನಾ ವಾರಿಯರ್ ಗೆ ಅವಾಚ್ಯ ಶಬ್ದದಿಂದ ಬೈದು ಹಲ್ಲೆ-Times of karkala

ಬ್ರೇಕಿಂಗ್ ನ್ಯೂಸ್:ಕಾರ್ಕಳದಲ್ಲಿ ಕೊರೋನಾ ವಾರಿಯರ್ ಗೆ ಅವಾಚ್ಯ ಶಬ್ದದಿಂದ  ಬೈದು ಹಲ್ಲೆ-Times of karkala  

ಕಾರ್ಕಳ,ಆ30:ಕೊರೋನಾ ವಾರಿಯರ್ ಗೆ ಅವಾಚ್ಯ ಶಬ್ದದಿಂದ ಬೈದು ಹಲ್ಲೆ ನಡೆಸಿರುವ ಘಟನೆ ಕಾರ್ಕಳದ  ಪುರಸಭಾ ವ್ಯಾಪ್ತಿಯಲ್ಲಿ ನಡೆದಿದೆ. 

ಕೊರೋನಾ ವಾರಿಯರ್ ಗೆ ಅವಾಚ್ಯ ಶಬ್ದದಿಂದ ಬೈದು ಹಲ್ಲೆ ನಡೆಸಿರುವ ಘಟನೆ ಕಾರ್ಕಳದ  ಪುರಸಭಾ ವ್ಯಾಪ್ತಿಯಲ್ಲಿ ನಡೆದಿದೆ. 

ಪುರಸಭಾ ಸದಸ್ಯರೂ ಆಗಿರುವ ಪೆರ್ವಾಜೆಯ  ಚಂದ್ರಶೇಖರ್ ಎಂಬುವವರು ಕೊರೋನಾ ವಾರಿಯರ್ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದು ಮುಖ್ಯಾಧಿಕಾರಿಯವರ ಆದೇಶದಂತೆ ಪುರಸಭಾ ವ್ಯಾಪ್ತಿಯಲ್ಲಿ  ಕೋವಿಡ್‌‌‌ -19 ಕ್ವಾರಂಟೈನ್‌‌ ವಾಚ್‌‌ ಆಪ್‌ ನಲ್ಲಿ  ಕೋರೊನಾ ಪಾಸಿಟಿವ್‌‌ ಪ್ರಕರಣ, ಹೊರರಾಜ್ಯದಿಂದ ಬಂದ ಸಾರ್ವಜನಿಕರು ಮತ್ತು ಪ್ರಾಥಮಿಕ ಸಂಪರ್ಕ ಹೊಂದಿರುವ ವ್ಯಕ್ತಿಗಳ ಹೋಂ ಕ್ವಾರಂಟೈನ್‌‌ ಮನೆಗಳಿಗೆ ದಿನಂಪ್ರತಿ ಭೇಟಿ ನೀಡಿ ಫೋಟೋಗಳನ್ನು ತೆಗೆದು ಆಪ್‌‌ಲೋಡ್ ಮಾಡುವ ಕೆಲಸ‌‌ ಮಾಡುತ್ತಿದ್ದರು. 

ಇಂದು ಬೆಳಿಗ್ಗೆ ಸುಮಾರು 09.30 ಗಂಟೆಗೆ ಕಾರ್ಕಳ ಪುರ ಸಭಾ ವ್ಯಾಪ್ತಿಯ ಸತ್ಯನಾರಾಯಣ ನಗರದ ಕ್ವಾರಂಟೈನ್‌‌ ನಲ್ಲಿರುವ ಪ್ರಶಾಂತ್‌‌ ದೇವಾಡಿಗ,  ಎಂಬವರ ಮನೆಗೆ ಹೋದಾಗ,  ಪ್ರಶಾಂತ್‌ ದೇವಾಡಿಗ ಎಂಬುವವನು  ತೀವ್ರ ಅಕ್ಷೇಪ ವ್ಯಕ್ತಪಡಿಸಿ,ನಿಮಗೆ ಮಾಡಲು ಬೇರೆ ಕೆಲಸ ಇಲ್ಲ ಎಂಬುದಾಗಿ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದು, ವಾಪಸ್ಸು ಹೊರಟ ಚಂದ್ರಶೇಖರ್ ರವರನ್ನು  ಅಡ್ಡಹಾಕಿ ಕೈಯಿಂದ ಹಲ್ಲೆ ಮಾಡಿದ್ದಾರೆ ಎಂದು ಕಾರ್ಕಳ ನಗರ ಠಾಣೆಯಲ್ಲಿ ದೂರು ದಾಖಲಾಗಿದೆ.

 

ಜಾಹೀರಾತು