November 2020

ಕಾರ್ಕಳ:ಕರಿಯಕಲ್ಲಿನಲ್ಲಿರುವ  ಪುರಸಭೆಯ ಡಂಪಿಂಗ್ ಯಾರ್ಡ್‍ನಲ್ಲಿ ರವಿವಾರ ಅಗ್ನಿ ಅನಾಹುತ ಘಟನೆ ಸಂಭವಿಸಿದೆ.ಅಗ್ನಿಶಾಮಕ ದಳ ಸಿಬ್ಬಂದಿಯರು ಸ್ಥಳಕ್ಕೆ ಆಗಮಿಸಿದ್ದು, ಸುಮಾರು ಒಂದೂವರೆ ಗಂಟೆಯ ಸತತ ಕಾರ್ಯಾಚರಣೆ ಬಳಿಕ ಬೆಂಕಿ ಹತೋಟಿಗೆ ಬಂದಿದೆ.

ಕಾರ್ಯಾಚಣೆಯಲ್ಲಿ ಅಗ್ನಿಶಾಮದಳದ ಠಾಣಾಧಿಕಾರಿ ಬಿ ಎಂ ಸಂಜೀವ , ದಪೆದಾರ್‌ಗಳಾದ ಉದಯ್ ಕುಮಾರ್ ಹೆಗಡೆ, ರೂಪೇಶ್, ಸಿಬ್ಬಂದಿಗಳಾದ ಮೊಹಮ್ಮದ್ ರಫೀಕ್, ಕಲ್ಲಪ್ಪ, ಗೃಹರಕ್ಷಕ ದಳದ ಸಂದೀಪ್ ಪಾಲ್ಗೊಂಡಿದ್ದರು.

ಜಾಹೀರಾತು 

 



 








 ಶಾಂತಿನಿಕೇತನ ಯುವ ವೃಂದ ಕುಡಿಬೈಲು ಕುಚ್ಚೂರು ಮತ್ತು ನೆಹರು ಯುವ ಕೇಂದ್ರ ಉಡುಪಿ ಇವರ ಜಂಟಿ ಆಶ್ರಯದಲ್ಲಿ ರಾಷ್ಟ್ರೀಯ ಸಂವಿಧಾನ ದಿನಾಚರಣೆ ಯನ್ನು ಆಚರಿಸಲಾಯಿತು...ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ನರೇಂದ್ರ ರವರು ಸಂವಿಧಾನ ರಚನೆಯಲ್ಲಿ ಅಂಬೇಡ್ಕರ್ ಅವರ ಪಾತ್ರ ಮತ್ತು ನಮ್ಮ ಸಂವಿಧಾನದ ಶ್ರೇಷ್ಠತೆಯ ಬಗ್ಗೆ ಮಾತನಾಡಿದರು

ಜಗತ್ತಿನ ಶ್ರೇಷ್ಠ ಸಂವಿಧಾನಗಳಲ್ಲಿ ಭಾರತವು ಒಂದು, ಎಲ್ಲಾ ಜಾತಿ,  ಧರ್ಮಗಳಿಗೆ ಸಮಾನತೆ ಮತ್ತು ಅವಕಾಶವನ್ನು ನೀಡಿದೆ, ಆದುದರಿಂದ ನಾವೆಲ್ಲ ಅಂಬೇಡ್ಕರ್ ಅವರ ಆಶಯದಂತೆ ಬದುಕಿ,  ಸಂವಿಧಾನವನ್ನು ಗೌರವಿಸಬೇಕೇಂದರು. ಅವರ ಆಶಯ ಕಾರ್ಯರೂಪಕ್ಕೆ ಬಂದಾಗ ದೇಶದ ಸರ್ವತೋಮುಖ ಅಭಿವೃದ್ಧಿ ಸಾಧ್ಯ ಎಂದರು.

ಸಂಘಟನ ಕಾರ್ಯದರ್ಶಿಯಾದ ಗಣೇಶ್ ಶೆಟ್ಟಿ ಅವರು ಪ್ರತಿಜ್ಞಾ ವಿಧಿ ಬೋಧಿಸಿದರು. ಸಂಘದ ಅಧ್ಯಕ್ಷರಾದ ರಾಜೇಶ್ ಅಧ್ಯಕ್ಷೀಯ ನುಡಿಗಳನ್ನಾಡಿದರು.ಇದೇ ಸಂದರ್ಭದಲ್ಲಿ ಶಾಂತಿನಿಕೇತನ ನಲಿಕಲಿ  ವಿದ್ಯಾರ್ಥಿಗಳಿಗೆ ಸಂವಿಧಾನದ ಕುರಿತು ರಸಪ್ರಶ್ನೆ ಕಾರ್ಯಕ್ರಮವನ್ನು ಆಯೋಜಿಸಿದ್ದು ಸೌಜನ್ಯ ಪ್ರಥಮ ಬಹುಮಾನ, ನಿತಿನ್ ದ್ವಿತೀಯ ಬಹುಮಾನ ಪಡೆದರು..ರಾಜೇಶ್ರೀ ನಿರೂಪಿಸಿ ಸೌಜನ್ಯ ಸ್ವಾಗತಿಸಿ ನಿತಿನ್ ವಂದಿಸಿದರು..

ಕಾರ್ಯಕ್ರಮದಲ್ಲಿ ಸಂತೆಕಟ್ಟೆ ಘಟಕದ ರಶಿನ್ ಶೆಟ್ಟಿ, ಶಾಂತಿನಿಕೇತನ ಸೌಹಾರ್ದ ನಿರ್ದೇಶಕರಾದ ವಿನೋದ , ಕೆ ಗಣೇಶ್ ಸಂಘದ ಸದಸ್ಯರು ಉಪಸ್ಥಿತರಿದ್ದರು.

ಜಾಹೀರಾತು 

 



 








ಉಡುಪಿ ಜಿಲ್ಲೆಯ ಅತೀ ಸುಂದರವಾದ ನದಿ ಸ್ವರ್ಣಾ. ಅದು ಅತೀ ಹೆಚ್ಚು ಕೃಷಿ ಭೂಮಿಗೆ ನೀರು ಉಣಿಸುವ ಮತ್ತು ಶುದ್ದ ಕುಡಿಯುವ ನೀರನ್ನು ಒದಗಿಸುವ ನದಿ. ಅದರ ಉಗಮ ಆಗಿರುವುದು ಕಾರ್ಕಳದಲ್ಲಿ. ಈ ನದಿಯ ಪಾವಿತ್ರ್ಯತೆಯನ್ನು ಕಾಪಾಡುವ "ಸ್ವರ್ಣಾರಾಧನಾ" ಎಂಬ ಹೆಸರಿನ ಮಹತ್ವಾಕಾಂಕ್ಷೆಯ ಕಾರ್ಯಕ್ರಮವನ್ನು ಈಗಾಗಲೇ  ಕೈಗೆತ್ತಿಕೊಳ್ಳಲಾಗಿದ್ದು ಹಲವು ಹಂತಗಳಲ್ಲಿ ನಡೆಯಲಿದೆ. 

  ಮೊದಲ ಹಂತದಲ್ಲಿ   ಸ್ವರ್ಣಾ ನದಿಯು ಹರಿಯುವ ಪಾತ್ರದ ಐದು ಗ್ರಾಮಗಳನ್ನು ಸ್ಥಳೀಯ ಸಂಘಟನೆಗಳ ಮೂಲಕ ದತ್ತು ಸ್ವೀಕಾರ ಮಾಡಲಾಗಿದ್ದು ಮೊದಲ ಹಂತದಲ್ಲಿ ನದೀ ತೀರದ ಸ್ವಚ್ಚತೆ ಹಾಗೂ ಪ್ಲಾಸ್ಟಿಕ್ ಹೆಕ್ಕುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. 


ಹೆರ್ಮುಂಡೆ, ಮುಂಡ್ಲಿ , ಮಾಳ, ತೆಳ್ಳಾರು, ಮೂಡಾರು ಈ ಐದು ಗ್ರಾಮಗಳಲ್ಲಿ ಸ್ಥಳೀಯ ಸಂಸ್ಥೆಗಳ ಸಹಯೋಗದಲ್ಲಿ ಸ್ವರ್ಣಾ ನದಿಯ ಪಾತ್ರವನ್ನು ಪ್ಲಾಸ್ಟಿಕ್ ಮುಕ್ತಗೊಳಿಸುವ ಮೊದಲ ಹೆಜ್ಜೆಯನ್ನು  ಮಾಡುವುದಾಗಿ ನಿರ್ಧರಿಸಿ ಜೋಕುಲು ಬೆಟ್ಟು ಸಮೀಪ ಕಾರ್ಕಳದ ಸ್ವಚ್ಛತೆಯನ್ನು ಕಾರ್ಕಳ ಸ್ವರ್ಣ ರಾಧನ ತಂಡವು ಪೂರ್ಣಗೊಳಿಸಿದೆ. ಹಾಗೆಯೇ ಕಾರ್ಕಳ ಪುರಸಭೆಯ ವ್ಯಾಪ್ತಿಯಲ್ಲಿ ಸ್ವಚ್ಚತಾ ಬ್ರಿಗೇಡ್, ರೋವರ್ಸ್ ಮತ್ತು ರೇಂಜರ್ಸ್, ಸ್ಕೌಟ್ಸ್ ಮತ್ತು ಗೈಡ್ಸ್ ಮತ್ತು ಕಾರ್ಕಳ ರೋಟರಾಕ್ಟ್,  ರೋಟರಿ ಆನ್ಸ್ ಕಾರ್ಕಳ  ಮೊದಲಾದ ಸಂಸ್ಥೆಗಳ  ಸಹಯೋಗದಲ್ಲಿ ನದೀ ಪಾತ್ರದ ಸ್ವಚ್ಛತೆಯ ಕಾರ್ಯವನ್ನು ಸಂಕಲ್ಪಿಸಲಾಗಿತ್ತು.

ಉಡುಪಿಯ ಜಲತಜ್ಞರಾದ ಡಾಕ್ಟರ್ ನಾರಾಯಣ ಶೆಣೈ ಅವರ ನೇತೃತ್ವದಲ್ಲಿ ಆರಂಭ ಆಗಿರುವ ಈ ಮಹತ್ವಾಕಾಂಕ್ಷಿ ಯೋಜನೆಯಲ್ಲಿ  ರಾಷ್ಟ್ರೀಯ ಸ್ವಯಂಸೇವಕ ಸಂಘ ಮೂಡಾರು ಸಂಘಟನೆ,  ಯುವಸ್ಪಂದನ ಗೆಳೆಯರ ಬಳಗ ಮುಂಡ್ಲಿ, ಹಸಿರೇ ಉಸಿರು ಸಂಘಟನೆ ತೆಳ್ಳಾರು, ಯೂತ್ ಬಿಲ್ಲವ ಕಾರ್ಕಳ ಮೊದಲಾದ ಸಂಘಟನೆಗಳು ಕೈ ಜೋಡಿಸಿವೆ. ನವೆಂಬರ್ 29ರ ಆದಿತ್ಯವಾರ  ಮುಂಜಾನೆ ಸೂರ್ಯೋದಯಕ್ಕೆ ಮುಂಚೆಯೇ ಕಾರ್ಯವನ್ನು ಕೈಗೆತ್ತುಕೊಂಡು ಸಂಪೂರ್ಣವಾಗಿ ಮುಗಿಸಿರುತ್ತಾರೆ. ಕಾರ್ಯಕ್ರಮದಲ್ಲಿ ಒಟ್ಟು 70 ಜನ ಸದಸ್ಯರು ಭಾಗವಹಿಸಿದ್ದು ಕಾರ್ಯಕ್ರಮ ಯಶಸ್ವಿಯಾಗಿ ನೆರವೇರಿತು.

ಜಾಹೀರಾತು 

 



 








ಕರಾವಳಿಯ ಉದ್ದಗಲಕ್ಕೂ ಈಸಾಲಿನ ಯಕ್ಷ ತಿರುಗಾಟಕ್ಕೆ ಸಜ್ಜಾಗಿ ಹೊರಟ ಭಾಗವತ  ಪಟ್ಲ  ಸತೀಷ ಶೆಟ್ಟರ  ಸಾರತ್ಯದ ಪಾವಂಜೆಯ ನೂತನ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಯಕ್ಷಗಾನ ಮಂಡಳಿಗೆ    ಶ್ರೀದೇವೀಮಹಾತ್ಮೆಯ ದೇವೀಪಾತ್ರಕ್ಕೆ ಬೆಳ್ಳಿ ಕಿರೀಟವನ್ನು ಯಕ್ಷಾಬಿಮಾನಿ , ಕಂಬಳಪ್ರೇಮಿ ಕಾಂತಾವರ ಅಂಬೋಡಿಮಾರ್  ರಘನಾಥ ದೇವಾಡಿಗರು ದಾನವಾಗಿ ನೀಡಿದರು . 

ಮೇಳ ಹೊರಡುವ ಸಂಭ್ರಮದ ದಿನದಂದು  ಗಣ್ಯರ  ಉಪಸ್ಥಿತಿಯಲ್ಲಿ   ವೇದ ಕ್ರಷಿಕ ನಿತ್ಯಾನಂದ ಸ್ವಾಮಿಗಳು ಹಾಗೂ ಐಕಳ ಹರೀಶ ಶೆಟ್ಟಿಯವರು ಶಾಲು ಹೊದೆಸಿ ಸ್ಮರಣಿಕೆ ಇತ್ತು ಗೌರವಿಸಿದರು.


ಜಾಹೀರಾತು 

 



 








 ಫೇಸ್ ಬುಕ್ ಮೂಲಕ ಪರಿಚಯವಾಗಿ ಮತಾಂತರಗೊಂಡ ಬಳಿಕ ಅತ್ತ ತವರು ಮನೆ ಇತ್ತ ಗಂಡನ ಮನೆಯೂ ಇಲ್ಲದೆ ಮೋಸಕ್ಕೊಳಗಾಗಿ ಆತ್ಮಹತ್ಯೆಯ ಹಾದಿ ತುಳಿದಿದ್ದ ಮಹಿಳೆ ಇದೀಗ ಬಜರಂಗ ದಳದ ಮುಖಂಡರ ಮನವರಿಕೆಯಿಂದಾಗಿ ತನ್ನ ನಿರ್ಧಾರದಿಂದ ಹಿಂದೆ ಸರಿದಿದ್ದು, ಸಂಘಟನೆ ಮುಖಂಡರ ಸಮ್ಮುಖದಲ್ಲಿ ಸುಳ್ಯ ಠಾಣೆಗೆ ದೂರು ನೀಡಿದ್ದಾರೆ.

ಮೂಲತಃ ಕೇರಳದ ಕಣ್ಣೂರು ನಿವಾಸಿಯಾಗಿರುವ ಶಾಂತಿ ಎಂಬ ಯುವತಿಗೆ ಸುಳ್ಯದ ಖಲೀಲ್ ಎಂಬ ವ್ಯಕ್ತಿ ಫೇಸ್ ಬುಕ್ ಮೂಲಕ ಪರಿಚಯವಾಗಿದ್ದ. ಬಳಿಕ ಸ್ನೇಹಕ್ಕೆ ಸ್ನೇಹ ಬೆಳೆದು ಪ್ರೇತಿ ಪ್ರೇಮವೆಂಡು ಅಂತಿಮವಾಗಿ ಶಾಂತಿಯನ್ನು ಮದುವೆಯಾದ ಖಲೀಲ್, ಆಕೆಯನ್ನು ತನ್ನ ಧರ್ಮಕ್ಕೆ ಮತಾಂತರ ಕೂಡ ಮಾಡಿದ್ದ. ಹಾಗೂ ಆಕೆಯನ್ನು ಆಸಿಯಾ ಎಂಬುವುದಾಗಿ ಹೆಸರು ಬದಲಾಯಿಸಿದ್ದ.


ಆದರೆ, ಇದೀಗ ಖಲೀಲ್ ತನ್ನನ್ನು ತೊರೆದು ಹೋಗಿದ್ದಾನೆ ಇದಕ್ಕೆ ಆತನ ಸಹೋದರ ಕಾರಣ ಎಂದು ಆರೋಪಿಸಿ ಆತನ ವಿರುದ್ದ ಸುಳ್ಯ ಠಾಣೆಗೆ ದೂರು ನೀಡಿದ್ದಾರೆ. ವಿಶ್ವಹಿಂದು ಪರಿಷತ್ ಮುಖಂಡ ಶರಣ್ ಪಂಪ್ ವೇಲ್ ಜತೆ ಆಗಮಿಸಿದ ಆಕೆ ಸುಳ್ಯ ವೃತ್ತ ನಿರೀಕ್ಷಕರ ಕಚೇರಿಯಲ್ಲಿ ಸುದಿರ್ಘ ಚರ್ಚಿಸಿದ ಬಳಿಕ ದೂರು ನೀಡಿದರು. ಸ್ಥಳೀಯ ವಿಶ್ವಹಿಂದು ಪರಿಷತ್ ಬಜರಂಗದಳದ ಕೆಲವು ಮುಖಂಡರು, ದುರ್ಗವಾಹಿನಿಯವರು ಜತೆಗಿದ್ದರು.

ಜಾಹೀರಾತು 

 



 








MKRdezign

Contact form

Name

Email *

Message *

Powered by Blogger.
Javascript DisablePlease Enable Javascript To See All Widget