ಜನವರಿ 24 ರಂದು ಕಡ್ತಲದಲ್ಲಿ ಸಾಹಿತ್ಯ ಸಮ್ಮೇಳನಕ್ಕೆ ಸಕಲ ಸಿದ್ಧತೆ: ಸಿರಿಬೈಲಿನಲ್ಲಿ ಸಂಭ್ರಮ-Times of karkala

 

ಅಜೆಕಾರು: ಕಾರ್ಕಳ ತಾಲೂಕಿನ ಕಡ್ತಲ-ಸಿರಿಬೈಲಿನ ಶ್ರೀ ಬರ್ಭರೇಶ್ವರ ದುರ್ಗಾಪರಮೇಶ್ವರೀ ದೇವಸ್ಥಾನದ ವಠಾರದಲ್ಲಿ ಜನವರಿ ೨೪ ರ  ಬೆಳಗ್ಗೆ ೯.೦೦ ರಿಂದ ಸಂಜೆವರೆಗೆ ಮೂರನೇ ಆದಿಗ್ರಾಮೋತ್ಸವ ಸಾಹಿತ್ಯ ಸಮ್ಮೇಳನ ನಡೆಯಲಿದೆ. ಈ ಭಾಗದಲ್ಲಿ ಮೊದಲ ಸಾಹಿತ್ಯ ಸಮ್ಮೇಳನ ಇದಾಗಿದ್ದು ತ್ರಿಭಾಷಾ ಸಾಹಿತಿ ಮೌರಿಸ್ ತಾವ್ರೋ ಅವರ ಅಧ್ಯಕ್ಷತೆಯಲ್ಲಿ ನಡೆಯುವ ಕಾರ್ಯಕ್ರಮವನ್ನು ಕನ್ನಡ ಸಾಹಿತ್ಯ ಪರಿಷತ್ತಿನ ಮಾಜಿ ರಾಜ್ಯಾಧ್ಯಕ್ಷ  ಹರಿಕೃಷ್ಣ ಪುನರೂರು ಅವರು ಉದ್ಘಾಟಿಸಲಿರುವರು ಎಂದು ಸಂಘಟಕ ಡಾ.ಶೇಖರ ಅಜೆಕಾರು ತಿಳಿಸಿದ್ದಾರೆ.

ತ್ರಿಭಾಷಾ ಸಾಹಿತಿ ಮೌರಿಸ್ ತಾವ್ರೋ

೨೨ ವರ್ಷಗಳಿಂದ ಅಜೆಕಾರು ಕುರ್ಪಾಡಿಯಲ್ಲಿ ಡಾ.ಸಂತೋಷ ಕುಮಾರ್ ಶೆಟ್ಟಿ ಮತ್ತು ಅರುಣ್ ಭಟ್ ಎಣ್ಣೆಹೊಳೆ ಅವರ ಗೌರವಾಧ್ಯಕ್ಷತೆಯಲ್ಲಿ ಆದಿಗ್ರಾಮೋತ್ಸವ ನಡೆದಿದ್ದು ವಿಶ್ವದ ಏಕೈಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಕೂಡಾ ಗ್ರಾಮೋತ್ಸವದ ಕೊಡುಗೆ ಆಗಿದೆ.

ಹರಿಕೃಷ್ಣ ಪುನರೂರು

ಆರಾಧನಾ ಕೇಂದ್ರಗಳ ಶಿಲ್ಪಿ ಮಹಮ್ಮದ್ ಗೌಸ್ ಅವರಿಗೆ ಆದಿಗ್ರಾಮೋತ್ಸವ ಗೌರವ ಮತ್ತು ಡಾ.ಸುಧೀರ್ ಹೆಗ್ಡೆ ಅವರಿಗೆ ಗ್ರಾಮ ಗೌರವ ನೀಡಲಾಗುತ್ತಿದೆ,

\

ಡಾ.ಸುಧೀರ್ ಹೆಗ್ಡೆ 

ಪತ್ರಕರ್ತರೇ ಭಾಗವಹಿಸುವ ನಮ್ಮೂರು ನಮ್ಮ ಕನಸು ಗೋಷ್ಠಿ, ೮ ನೇ ತರಗತಿಯ ವಿದ್ಯಾರ್ಥಿನಿ-ಕವಿ ಅವನಿ ಉಪಾಧ್ಯ ಉದ್ಘಾಟಿಸುವ ಕವಿಗೋಷ್ಠಿ,  ೧೮ ಮಂದಿ ರಾಜ್ಯ ಮತ್ತು ರಾಷ್ಟ್ರ ಮಟ್ಟದ ಪ್ರತಿಭೆಗಳಿಂದ ಯಕ್ಷಗಾನ, ಭರತನಾಟ್ಯ, ಸಂಗೀತ, ಭಾಷಣ, ಯೋಗ ಪ್ರದರ್ಶನ, ಬಳ್ಳಾರಿ, ಉಡುಪಿ, ದ.ಕ, ಹಾಸನ ಜಿಲ್ಲೆಗಳ ೨೬ ಮಂದಿ ಸಾಧನಶೀಲರನ್ನು ರಾಜ್ಯಮಟ್ಟದ ಆದಿಗ್ರಾಮೋತ್ಸವ ಗ್ರಾಮ ಗೌರವ ನೀಡಿ ಸತ್ಕರಿಸುವುದು, ೪ ಸಾಧಕ ಸಂಸ್ಥೆಗಳ ಗೌರವ ಈ ಸಮ್ಮೇಳನದ ವಿಶೇಷತೆಯಾಗಿದೆ.

ಆದಿಗ್ರಾಮೋತ್ಸವ ಸಮಿತಿ, ಅಖಿಲ ಕರ್ನಾಟಕ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಸಮಿತಿ, ಲಯನ್ಸ್ ಕ್ಲಬ್ ಮುನಿಯಾಲು, ಶ್ರೀ ದುರ್ಗಾಪರಮೇಶ್ವರೀ ಭಜನಾ ಮಡಳಿಗಳ ಸಹಯೋಗದಲ್ಲಿ ನಡೆಯುವ ಕಾರ್ಯಕ್ರಮದ ಸಮಾರೋಪ ಆಶಯ ಭಾಷಣವನ್ನು ಸಮನ್ವಯ ವಾಗ್ಮಿ ಮುನಿರಾಜ ರೆಂಜಾಳ ಅವರು ನೆರವೇರಿಸುವರು. 



ಮಹಮ್ಮದ್ ಗೌಸ್

ಉಡುಪಿ ಜಿಲ್ಲಾ ಅಪರ ಜಿಲ್ಲಾಧಿಕಾರಿ ಬಿ.ಸದಾಶಿವ ಪ್ರಭು ಎಳ್ಳಾರೆ ಮತ್ತು ಕ್ಯಾಪ್ಟನ್ ಗಣೇಶ ಕಾರ್ಣಿಕ್ ಪ್ರಶಸ್ತಿ ಪ್ರದಾನಿಸುವರು. ಕವಿಗೋಷ್ಠಿಯ ಅಧ್ಯಕ್ಷತೆಯನ್ನು ಡಾ.ಸುಮತಿ. ಪಿ ಅಂಡಾರು ವಹಿಸುವರು. ಧನಂಜಯ ಮೂಡುಬಿದಿರೆ ಅಧ್ಯಕ್ಷತೆಯಲ್ಲಿ ’ನಮ್ಮೂರು ನಮ್ಮ ಕನಸು’ ಗೋಷ್ಠಿ, ಶೇಖರ ಕಡ್ತಲ ಅಧ್ಯಕ್ಷತೆಯಲ್ಲಿ ಉದ್ಘಾಟನಾ ಸಮಾರಂಭ, ಡಾ.ಶೇಖರ ಅಜೆಕಾರು ಅಧ್ಯಕ್ಷತೆಯಲ್ಲಿ ಸಮಾರೋಪ ಸಮಾರಂಭ ನಡೆಯಲಿದೆ.

ಶಬರೀಶ ಆಚಾರ್ಯ ಅವರ ಯಕ್ಷ ನಾಟ್ಯ, ಪ್ರಣಮ್ಯ ಅಗಲಿ ಅವರ ಯೋಗ ಪ್ರದರ್ಶನ, ಶೀಲಾ ಪಡೀಲ್ ಮತ್ತು ಶೈಲಜಾ ಕಾರ್ಕಳ ಅವರಿಂದ ಕನ್ನಡ ಗೀತಗಾಯನ ಇದೆ. ೨ ವರ್ಷದ ಮಗು ಸಾನ್ನಿಧ್ಯ ಕವತ್ತಾರು ಗೀತೆಗಳ ಮೂಲಕ ರಂಗಪ್ರವೇಶ ಮಾಡುವರು. ಸಾಹಿತ್ಯ- ಸಂಸ್ಕೃತಿ- ಕಲಾ ಪ್ರದರ್ಶನದ ವೇದಿಕೆ ಇದಾಗಲಿದೆ. ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಸಹಿ ಬೇಕೆಂದು ಸಂಘಟಕರು ವಿಂತಿಸಿದ್ದಾರೆ.

ಬೆಳಗ್ಗೆ ೯.೦೦ ರಿಂದ ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿಯವರ ಮತ್ತು ಸಂಜೆ ಸಮಾರೋಪದ ಬಳಿಕ ಶ್ರೀ ಮಹಮ್ಮಾಯಿ ಮಹಿಳಾ ಭಜನಾ ಮಂಡಳಿಯವರಿಂದ ಚಿತ್ತಾಕರ್ಷವಾದ ಭಕ್ತಿ ಗಾನ ಸುಧೆ ಕಾರ್ಯಕ್ರಮವಿದೆ. ಇಡೀ ದಿನ ಸಾಹಿತ್ಯ- ಸಂಗೀತ- ಸಂಸ್ಕೃತಿ ಸಂಭ್ರಮ ನಡೆಯಲಿದೆ.


ಜಾಹೀರಾತು 










Post a comment

MKRdezign

Contact form

Name

Email *

Message *

Powered by Blogger.
Javascript DisablePlease Enable Javascript To See All Widget