ಕಾರ್ಕಳ:ದೇಸಿ ನಾಯಿಮರಿಗಳ ದತ್ತು ಸ್ವೀಕಾರ, ಉಚಿತ ರೇಬಿಸ್ ಲಸಿಕೆ ಮತ್ತು ದೇಸಿ ಶ್ವಾನ ಪ್ರದರ್ಶನ ಕಾರ್ಯಕ್ರಮ-Times of karkala

 ದಿ.24 ರಂದು ಭಾನುವಾರ ರೋಟರಿ ಬಾಲಭವನ ಕಾರ್ಕಳ ಇಲ್ಲಿ ದೇಸಿ ನಾಯಿಮರಿಗಳ ದತ್ತು ಸ್ವೀಕಾರ,  ಉಚಿತ ರೇಬಿಸ್ ಲಸಿಕೆ ಮತ್ತು ದೇಸಿ ಶ್ವಾನ ಪ್ರದರ್ಶನ ಕಾರ್ಯಕ್ರಮ ನಡೆಯಿತು.

ಸಾಕು ಪ್ರಾಣಿಗಳು ನಮ್ಮ ಜೀವನದ ಮುಖ್ಯಪಾತ್ರವನ್ನು ವಹಿಸುತ್ತದೆ. ವಿದೇಶಿ ತಳಿಯ ನಾಯಿಗಳನ್ನು ಸಾವಿರಾರು ರೂಪಾಯಿ ಕೊಟ್ಟು ಖರೀದಿಸುವ ಬದಲು ಅನಾಥ ಹಾಗೂ ದೇಸಿ ನಾಯಿಗಳನ್ನು  ಸಾಕಲು ಮತ್ತು ದತ್ತು ತೆಗೆದುಕೊಳ್ಳಬೇಕು ಉದ್ದೇಶದಿಂದ ಕಾರ್ಕಳದ ಪಶುಸಂಗೋಪನೆ ಇಲಾಖೆ ಕಾರ್ಕಳ, ಅಹಿಂಸಾಪರ ಪೆಟ್ ಕೇರ್ ಕಾರ್ಕಳ,ಯುವವಾಹಿನಿ ಘಟಕ ಕಾರ್ಕಳ ಮತ್ತು ರೋಟರಿ ಆನ್ಸ್  ಕ್ಲಬ್ ಇವರ ಜಂಟಿ ಆಶ್ರಯದಲ್ಲಿ ಈ  ಕಾರ್ಯಕ್ರಮವು  ನಡೆಯಿತು. 

ಕಾರ್ಯಕ್ರಮದ ಅಧ್ಯಕ್ಷ ಸ್ಥಾನವನ್ನು ವಹಿಸಿರುವ ಪುರಸಭಾ ಅಧ್ಯಕ್ಷೆ ಸುಮಾ ಕೇಶವ್ ಅವರು ಶ್ವಾನಗಳಿಗೆ ಶಾಶ್ವತ ನೆಲೆಸಿರುವ ಉದ್ದೇಶದಿಂದ ಸುಂದರ ಕ್ರಮವನ್ನು ಕಾರ್ಕಳದಲ್ಲಿ ಹೊಸತಾಗಿ  ವಿನೂತನವಾಗಿ ಏರ್ಪಡಿಸಿರುತ್ತಾರೆ ಎಂದು ಶುಭಾಶಯ ಕೋರಿದರು. ಪಶುಸಂಗೋಪನೆ ಇಲಾಖೆ ಕಾರ್ಕಳದ  ವೈದ್ಯಾಧಿಕಾರಿ ಆಗಿರುವ ಡಾ. ರಾಜಶೇಖರ್ ಕಸಭಾಗ್ ಅವರು  ದತ್ತು ತೆಗೆದು ಕೊಂಡ ಶ್ವಾನ ಮರಿಗಳಿಗೆ ಉಚಿತ ಸೇವೆಯನ್ನು ಕಲ್ಪಿಸುವ ಭರವಸೆ ನೀಡಿ ಕಾರ್ಯಕ್ರಮಕ್ಕೆ ದೀಪ ಬೆಳಗಿಸಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು, ಅಲ್ಲದೆ ದತ್ತು ತೆಗೆದುಕೊಂಡ ದೇಸಿ ತಳಿಯ ಶ್ವಾನಗಳಿಗೆ ಉಚಿತ ಚಿಕಿತ್ಸೆಯ ಕಾರ್ಡನ್ನು ಪಶುಸಂಗೋಪನೆ ಇಲಾಖೆ ಯಿಂದ ವಿತರಿಸಲಾಯಿತು. ಕಾರ್ಯಕ್ರಮದ ಉದ್ಘಾಟಕರಾಗಿ ಮೇಜರ್ ಡೋನರ್ ಕಪಲ್ Mphf ಮೋಹನ್ ಶೆಣೈ  ದಂಪತಿಗಳು ರಿಬ್ಬನ್ ಕಟ್ ಮಾಡುವ ಮೂಲಕ ಕಾರ್ಯಕ್ರಮದ  ಉದ್ಘಾಟನೆಯನ್ನು ನೀಡಿ ಶ್ವಾನಗಳನ್ನು ದತ್ತು ಕೊಡುವ ಕಾರ್ಯಕ್ರಮಕ್ಕೆ ಚಾಲನೆಯನ್ನು ನೀಡಿದ್ದರು. 



ಕಾರ್ಯಕ್ರಮದಲ್ಲಿ ಒಟ್ಟು 63 ನಾಯಿಗಳಿಗೆ ಉಚಿತ ಲಸಿಕೆಯನ್ನು ನೀಡಿ, 8 ಹೆಣ್ಣು ಶ್ವಾನ ಮರಿಗಳನ್ನು ಸಾರ್ವಜನಿಕರು ದತ್ತು ಪಡೆದರು. ಹಾಗೆಯೇ ವಿಶೇಷವಾದ ಶ್ವಾನ ಪ್ರದರ್ಶನದಲ್ಲಿ ಒಟ್ಟು 24 ಶ್ವಾನಗಳು ಪ್ರದರ್ಶನಗೊಂಡಿದ್ದು ಕಾರ್ಯಕ್ರಮದ ಸಮಾರೋಪದಲ್ಲಿ ದೇಸಿ  ಶ್ವಾನದ ಮರಿಗಳಿಗೆ ಪದಕಗಳನ್ನು ಹಾಕಿ ಬಂದ ಅತಿಥಿಗಳಿಗೆ ಕಾರ್ಲಾ ಕಜೆ ಕೊಡುವ ಮೂಲಕ ಕಾರ್ಯಕ್ರಮವನ್ನು ಯಶಸ್ವಿ ಗೊಳಿಸಲಾಯಿತು. ಯುವ-ಉದ್ಯಮಿ ಪ್ರಜ್ವಲ್ ಶ್ವಾನ ಪ್ರದರ್ಶನಕ್ಕೆ ಚಾಲನೆಯನ್ನು ನೀಡಿದ್ದು, ಹಿರಿಯ ರೋಟೇರಿಯನ್ ಕಾರಂತ್ ದಂಪತಿಗಳು ಅಹಿಂಸಾ ಪೆಟ್ ಕೇರ್ ವಿರಂಜನ್ ಜೈನ್, ಹೀಗೆ ಮಂಗಳೂರಿನಲ್ಲೂ ಕಾರ್ಯಕ್ರಮ ಮಾಡುತ್ತಿರುವಂತಹ ಸಾಕ್ಷಿ ಸುನಿಲ್ ಶೆಟ್ಟಿ ಮತ್ತು ಉಷಾ ಇವರಿಗೆ ಕಾರ್ಯಕ್ರಮದ ಕೊನೆಯಲ್ಲಿ ಸನ್ಮಾನಿಸಲಾಯಿತು. 

ಇಡೀ ಕಾರ್ಯಕ್ರಮದ ನಿರೂಪಣೆಯನ್ನು ರೋಟರಿ ಕ್ಲಬ್ ನ ಅಧ್ಯಕ್ಷೆ ರೋ ರಮಿತಾ ಶೈಲೇಂದ್ರ ರಾವ್  ಅವರು ನಿರ್ವಹಿಸಿ ಕೊಟ್ಟರು, ಸ್ವಾಗತವನ್ನು ಯುವವಾಹಿನಿ ಘಟಕದ ಅಧ್ಯಕ್ಷ ಗಣೇಶ್ ಸಾಲ್ಯಾನ್, ಧನ್ಯವಾದವನ್ನು ಕಾರ್ಯದರ್ಶಿ ತಾರನಾಥ ಕೋಟ್ಯಾನ್ ಅವರು ನಡೆಸಿಕೊಟ್ಟರು. ಕಾರ್ಯಕ್ರಮದಲ್ಲಿ ಯುವವಾಹಿನಿಯ ಸಂಘದ ಸದಸ್ಯರು ರೋಟರಿಯ ಸದಸ್ಯರಾದ ನಿಯೋಜಿತ ಅಧ್ಯಕ್ಷ ರೋ ಸುರೇಶ್ ನಾಯಕ್, ರೋ  ವಿಜೇಂದ್ರ ವಕೀಲರು ಮತ್ತು  ಆನ್ಸ್ ಕ್ಲಬ್ಬಿನ ಕಾರ್ಯದರ್ಶಿ ಸುಮಾ ನಾಯಕ್ ಹಾಗೂ ಸಾರ್ವಜನಿಕರು ಪಾಲ್ಗೊಂಡಿದ್ದರು. ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಎಲ್ಲ ಶ್ವಾನದ ಒಡೆಯರಿಗೆ, ಸನ್ಮಾನಿತರಿಗೆ, ಕಾರ್ಲ ಕಜೆ ಕೊಡುವ ಮೂಲಕ ಕಾರ್ಯಕ್ರಮವನ್ನು ಯಶಸ್ವಿಯಾಗಿ ನೆರವೇರಿಸಿದರು.


ಜಾಹೀರಾತು 














Labels:

Post a comment

MKRdezign

Contact form

Name

Email *

Message *

Powered by Blogger.
Javascript DisablePlease Enable Javascript To See All Widget